Ідэалагічная і выхаваўчая работа

Ідэалагічная і выхаваўчая работа ў Беларускім дзяржаўным тэхналагічным універсітэце накіравана на далейшую рэалізацыю Закона Рэспублікі Беларусь “Аб вышэйшай адукацыі” ад 11 ліпеня 2007 года № 252-3. Канцэпцыі неперарыўнага выхавання дзяцей і навучэнцкай моладзі ў Рэспубліцы Беларусь (Пастанова Міністэрства адукацыі Рэспублікі Беларусь ад 14.12. 2006, № 125)  і Праграмы неперарыўнай адукацыі  дзяцей і навучэнцкай моладзі ў Рэспубліцы Беларусь на 2006-2010 гады (Пастанова Міністэрства адукацыі Рэспублікі Беларусь ад 28.12.2006, №132).

Мэтай выхавання з’яўляецца якаснае развіццё сістэмы выхавання, якая забяспечвае фарміраванне рознабакова развітай, маральнай, высокапрафесійнай творчай асобы; стварэнне умоў для паспяховага прафесійнага станаўлення, развіцця творчых здольнасцяў і асобаснай самарэалізацыі студэнтаў, выхаванне пачуцця асабістага ўдзелу ў пабудове моцнай і заможнай Беларусі.

Дасягненне мэты выхавання вызначаюць наступныя задачы:

• фарміраванне грамадзянскасці, патрыятызму, нацыянальнай самасвядомасці;
• фарміраванне усвядомленых адносінаў да працы, да прафесійнага выбару; павышэнне матывацыі студэнтаў па авалоданні ўсім комплексам неабходных ведаў, уменняў і навыкаў;
• фарміраванне маральнай, эстэтычнай, экалагічнай, прававой і інфармацыйнай культуры;
• фарміраванне навыкаў культуры здаровага ладу жыцця;
• фарміраванне культуры сямейных адносінаў;
• прафілактыка правапарушэнняў у студэнцкім асяроддзі;
• ствварэнне ўмоў для сацыялізацыі, самаразвіцця і самарэалізацыі творчага патэнцыялу студэнтаў;
• далучэнне студэнтаў да навукова-даследчай дзейнасці;
• развіццё маладзёжных ініцыятыў;
• павышэнне эфектыўнасці навукова-метадычнага забеспячэння выхаваўчага працэсу.

 Прыярытэтныя накірункі ідэалагічнай і выхаваўчай работы:

фарміраванне ў студэнцкай моладзі грамадзянскасці і патрыятызму, прававой, інфармацыйнай і псіхалагічнай культуры асобы, выхаванне маральных і сямейных каштоўнасцяў, экалагічнай культуры, культуры бяспечнай жыццядзейнасці і здаровага ладу жыцця. Асаблівая увага удзяляецца пытанням удасканалення выхаваўчай работы па прафілактыцы сацыяльнага сіроцтва і сямейнай неблаганадзейнасці, забеспячэнні дзяржаўнай падтрымкі і абароны правоў студэнтаў, арганізацыі вольнага часу студэнцкай моладзі і далучэння яе да грамадска карыснай дзейнасці.

 

вверх